சனிப்பெயர்ச்சி பலன்கள் - மேஷ ராசி ((அசுவினி, பரணி, கார்த்திகை 1-ம் பாதம்):

 சாதனை படைக்கத் துடிக்கும் மேஷ ராசிக்காரர்களே! இதுவரை 7-ல் கண்டச் சனியாக இருந்து உடல்ரீதியாகவும், மனரீதியாகவும் பிரச்சனைகளைக் கொடுத்துக் கொண்டிருந்த சனிபகவான் தற்போது அஷ்டமச் சனியாக 8-ம் வீட்டிற்கு வருவதால் மிகுந்த கவனத்தோடு எதிலும் செயல்படவும். இதனால் தீயவர்களின் நட்பு ஏற்படக்கூடும். அவப்பெயர்கள் வரக்கூடும். ஆரோக்கியம் பாதிக்கப்படும். சிலருக்கு ஆபரேஷன் செய்ய நேரிடும். பண விரயம் உண்டாகும். செய்யும் முயற்சிகளில் தடைகள் ஏற்படும். சிலர் ஊர் விட்டு ஊர் செல்லும் நிலைமை ஏற்படும். உறவினர்களிடம் நண்பர்களிடம் பகை ஏற்படும். இவை அனைத்தும் பொதுப்பலன்களே! கோச்சாரப்படி கிரகங்கள் மாறும்போது சில நல்ல பலன்களும் நடைபெற வாய்ப்புண்டு.

பரிகாரம்:  திருநள்ளாறு சனீஸ்வர பகவானை வழிபட்டு வரவும். செவ்வாய்க்கிழமை தோறும் ஆஞ்சநேயரை வழிபட்டு தீபம் ஏற்றி வந்தால் நல்ல பலன்கள் நடைபெறும். சனிக்கிழமை பெருமாளை வணங்கி வரவும்.